ليه بحس بألم فى صدرى

 

📢 "تيجى لنا ١٠٠ مرة نطمنك ونقول لك حضرتك سليم مفيش حاجة تقلق .. 

أحسن ما مرة ماتجيش ولا قدر الله يبقى فيه مشكلة كبيرة فى القلب وتتأخر عنها" 

أوقات بتحس بألم فى صدرك .. طيب إيه السبب ؟ 

ألم الصدر ليه أسباب كتير .. خلينا نتناول أغلبهم واحدة واحدة بإيجاز ؛ 

١. إلتهاب أو تقلص عضلات الصدر .. بالذات مع المجهود البدنى الزائد عن المعتاد.

٢. إلتهاب الغشاء البلورى ودا غشاء موجود حول الرئة 🫁 .. ودا وارد جدا مع المدخنين .. وعند التعرض لالتهاب شعبى او دور برد أياً كان سببه. 

٣. إلتهاب الغشاء التامورى ودا غشاء موجود حول القلب 🫀 .. ودا ليه أسباب كتير منها مثلا أدوار البرد زى الانفلونزا والكورونا وقصور وظائف الكلى.

٤. ألام عظام الصدر

٥. قرحة المعدة وإرتجاع المرىء.

ودى كلها اسباب -على أهميتها- إلا أنها تحتاج فقط علاج دوائى وراحة ..  

لا تحتاج حجز بالمستشفى أو تدخل جراحى.  

👈👈👈 إنما اللى جاى دا .. هوا المشكلة الحقيقة اللى ممكن لا قدر الله تأثّر على حياتك .. زى إيه ؟ 

٦. الذبحة الصدرية غير المستقرة أو جلطة القلب ⛔

٧.ضعف عضلة القلب ⛔

٨. ضيق الصمام الأورطى ⛔

٩. مزع الشريان الأورطى ⛔

١٠. جلطة الشريان الرئوى⛔

كل سبب من الأسباب دى .. ليه طريقة ظهور معينة .. بنقدر نفرقها بسماع الشكوى بتاعت المريض وطريقة وصفه ليها .. والفحص الطبى الدقيق .. والفحوصات المعملية ورسم القلب و الاشعة.

  🛑🛑🛑 لذلك إذا تعرضت لأى ألم فى صدرك .. أرجوك توجه لأقرب عيادة أو مستشفى بدون تأخر 🏩

لفحصك من قبل طبيب قلب متخصص وتحديد نوع وسبب الألم .. وإعطاءك العلاج اللازم .. 

وخلينى أقولك مرة تانية : 

تيجى لنا ١٠٠ مرة ونقول لك حضرتك سليم مفيش حاجة تقلق .. 

أحسن ما مرة واحدة ماتجيش ولا قدر الله يكون فيه مشكلة كبيرة فى القلب وتتأخر عنها "  

د. أحمد حجازى عبد السميع 

أخصائى أمراض القلب والقسطرة القلبية 

للحجز والاستفسار : 

☎️ 𝟬𝟭𝟬 𝟮𝟲𝟮 𝟮𝟲𝟭 𝟬𝟱 

 المنصورة - شارع أحمد ماهر الرئيسى - بجوار بنك سى اى بى