ليه بنخاف من ارتفاع ضغط الدم ؟
للأسف ارتفاع ضغط الدم عند الأغلبية العظمى من الناس بيكون بدون أعراض ..
لذلك ليه اسم دارج عندنا بنقوله .. اسمه القاتل الصامت
🛑𝐓𝐡𝐞 𝐬𝐢𝐥𝐞𝐧𝐭 𝐤𝐢𝐥𝐥𝐞𝐫🛑
ودا لأن أول ظهور ليه احيانا بيبقى فى صورة
جلطة فى المخ ⛔
أو نزيف فى المخ ⛔
أو جلطة فى القلب ⛔
أو ضعف فى عضلة القلب ⛔
أو إرتشاح رئوى حاد ⛔
أو فشل كلوى ⛔
أو تلف فى شبكية العين ⛔
طيب .. نعمل ايه ؟
حضرتك سنك ١٨ سنة أو يزيد ؟
مطلوب من حضرتك تقيس ضغطك
ضغطك أقل من ١٢٠/٨٠ ؟ دا بنسميه ال optimal BP - او الضغط المثالى .. مطلوب تقيس ضغطك بعد ٥ سنين.
طيب ١٢٠-١٢٩ على ٨٠-٨٤ ؟ دا normal BP او الضغط الطبيعى - مطلوب من حضرتك تتابع ضغطك بعد ٣ سنين.
طيب ١٣٠-١٣٩ على ٨٥-٨٩ ؟ دا بنسميه high normal BP - ومطلوب من حضرتك تتابع ضغطك مرة واحدة كل سنة.
طيب قست ضغطى لقيته عالى ؟
أولاً .. حضرتك محتاج تتقيم من قبل طبيب مختص .. دا ارتفاع مستمر وللا ارتفاع لحظى نتيجة stress او منبهات زى الشاى والقهوة .. ودا بيتم بقياسات مختلقة فى أوقات مختلفة - او بجهاز قياس ضغط محمول.
ثانياً .. لقينا فيه إرتفاع قى الضغط - بنحدد إحنا فى أى درجة من ارتفاع الضغط ونحدد الدواء
المناسب لحضرتك طبقاً لحالتك وطبقاً للتوصيات العالمية.
ثالثاً .. محتاج نظبّط أكلنا بحيث يبقى قليل الملح قليل الدهون - كثير الخضراوات والفاكهة.
رابعاً .. محتاج نمارس رياضة متوسطة زى المشى السريع بشكل منتظم٣٠ دقيقة يوميا ٥ -٧ ايام فى الاسبوع.
خامساً .. نتوقف عن التدخين تماماً.
سادساً .. محتاج نتطّمن على السكر والدهون واليوريك أسيد .. وتظبيطهم فى حالة وجود مشكلة فيهم.
🛑وكل النقط دى مهمة جدا فى العلاج .. فى نفس أهمية- إن لم تكن أهم من - العلاج الدوائى.🛑
د. أحمد حجازى عبد السميع
أخصائى أمراض القلب والقسطرة القلبية
للحجز والاستفسار :
☎️ 𝟬𝟭𝟬 𝟮𝟲𝟮 𝟮𝟲𝟭 𝟬𝟱
📍 المنصورة - شارع أحمد ماهر الرئيسى - بجوار بنك 𝗖𝗜𝗕
Comments
Post a Comment