الأورام والقلب

 

🛑فيه عدة ارتباطات بين القلب والأورام بمختلف أنواعها .. وأكاد أجزم إن مفيش بيت فى مصر لم يدخله هذا المرض 🛑 .. فمهم نبقى فاهمين الارتباطات دى .. 



أولا .. الأورام نفسها بتزود نسبة تجلط الدم .. اللى أحد مشاكلها حدوث جلطات 

ثانيا .. بعض الأورام - وإن كانت نادرة- ممكن تصل للأذين الأيمن من القلب - أو تعمل تجلط داخل هذا الأذين ..

ثالثا .. هناك ارتباط وثيق بين العلاج الكيماوى للأورام .. ومشاكل القلب :

١. ضعف عضلة القلب .. واحد من الأعراض الجانبية التى قد تحدث مع استخدام أنواع معينة من العلاج الكيماوى ..

٢. قصور الشريان التاجى .. بعض الأدوية أيضا قد تؤدى إلى ظهور أعراض قصور فى الشريان التاجى .. فى صورة ذبحة صدرية أو جلطة أو تقلص مؤقت فى الشريان التاجى ..

٣.اضطراب ضربات القلب .. وتأتى فى صور مختلفة .. تسارع منتظم أو تباطؤ منتظم فى ضربات القلب .. ذبذة أذينية أو تسارع فوق بطينى منتظم ..
والأخطر على الاطلاق هو التسارع البطينى والذى قد يؤدى لتوقف فى عضلة القلب .. 

⛔هنا نسأل سؤال مهم .. ناخد الدوا الكيماوى اللى طبيب الأورام أوصى بيه ؟⛔
📢 أكيد طبعا .. بلا نقاش 

طيب والأعراض دى ؟ 
📢 كل دوا على وجه الأرض قد يحدث منه أعراض جانبية .. وقد لا يحدث ..
والأدوية دى تم تجربتها ومراجعتها بشكل علمى ووجد أن فائدتها أكبر كتير من الضرر اللى ممكن يحصل منها .. 

لذلك تم الموافقة عليها وطرحها للاستخدام ..

👈👈 طيب وكل المشاكل دى نتفاداها ازاى ؟ 
📢 التوصيات الطبية العالمية فى الأمر دا تحديداً أوصت بتقييم القلب قبل استخدام الدواء الكيماوى إن كان له تأثير على القلب .. 
وأثناء استخدام الدواء .. للتشخيص والعلاج المبكر فى حالة حدوث أى أعراض جانبية .. 

وأكيد طبعاً تقييمه فى حالة حدوث أى أعراض سواء نهجان أو صعوبة بالتنفس أو تورم بالجسم او آلام بالصدر أو خفقان بالقلب أثناء أو بعد إتمام فترة العلاج ..

وربنا يعافينا جميعا  .. 

د. أحمد حجازى عبد السميع 
أخصائى أمراض القلب 

للحجز والاستفسار : 
☎️ 𝟬𝟭𝟬 𝟮𝟲𝟮 𝟮𝟲𝟭 𝟬𝟱 

📍 المنصورة - شارع أحمد ماهر الرئيسى - بجوار بنك 𝗖𝗜𝗕