iHeart Clinic د. أحمد حجازى عبد السميع أخصائى القلب

 🛑يجيلك شوية حرقان فى صدرك .. تقول دى حموضة .. وهيا فى الحقيقة جلطة فى القلب🛑   الحقيقة المعدة متبهدلة معانا فى الموضوع دا ..  لأن أوقات كتير جلطة القلب بتيجى فى صورة ألم بالبطن وحرقان فى الصدر شبيه جداً بألم المعدة أو ارتجاع المرىء ..    أنا عاوز حضرتك لما تحس بحرقان فى صدرك .. تتوجه لأقرب طبيب أو مستشفى تعمل رسم قلب عشان تتطمن ..   لكن هقول لحضرتك على بعض الأعراض اللى ممكن تكون مصاحبة للجلطة ..  1️⃣ألم طعن/تقل / حرقان بالصدر.  2️⃣ممكن يبقى مصاحب بألم فى الكتف أو الذراع الأيسر أو الظهر أو الفك.  3️⃣نهجان أو ضيق بالتنفس. 4️⃣عرق غزير. 5️⃣غممان نفس وميل للقىء.  مش شرط كل الأعراض تحصل ..  ⛔⛔ أما إذا كان الشخص مريض سكر .. فالأعراض ممكن تبقى أقل كتير .. وحدّة الألم تبقى أقل  وممكن تبقى بدون أعراض واضحة .. ممكن نبقى مجرد احساس بالهبوط ⛔⛔ ولذلك بنصح حضرتك فى حالة تعرضك لأى من الأعراض دى .. طلب النصيحة الطبية بدون تأخر ..  وربنا يعافينا جميعاً ..  د. أحمد حجازى عبد السميع  أخصائى أمراض القلب والقسطرة القلبية  للحج...

  ⛔ هذا الفيروس اللعين قد يصيب القلب 🫀 بأكثر من شكل .. هتكلم عنهم باختصار لأن ماعدش فيه بيت لم يدخله هذا الفيروس .. ومهم إننا نكون فاهمين أبعاد هذا المرض ..  1️⃣ لما الاصابة بتحصل .. العدوى والالتهاب والحمى بيخلوا الدم أكثر عرضة للتجلط .. كذلك نقص الأكسجين اللى بيحصل مع الاصابة بيقلل امداد عضلة القلب بالأكسجين .. ودا بيسبب اللى بنسميه النوع الثانى من احتشاء عضلة القلب(جلطة القلب). دا ممكن يحصل فى مصابين ماكانش عندهم أى مشاكل سابقة فى القلب .. ومفيش عندهم تصلب أو تكلس فى شرايين القلب.  2️⃣ جلطة الأوردة الطرفية 🦵وجلطة الشريان الرئوى🫁 أمر متكرر.  3️⃣ برضه ممكن يسبب إلتهاب فى عضلة القلب 🫀.. ودا بيأثر على وظائف القلب حتى بعد مرور المرحلة الحرجة من الاصابة بالفيروس ويسبب أعراض ضعف عضلة القلب من نهجان وصعوبة بالتنفس وألم بالصدر.   4️⃣ ممكن كمان يعمل إلتهاب فى الغشاء التامورى المحيط بعضلة القلب ويسبب ألم فى الصدر مع النفس.  5️⃣ وممكن يعمل تسارع غير منتظم فى ضربات القلب وقد يصل لتسارع خبيث فى الضربات. طيب نعمل إيه ؟🧐 أولاً .. نتطعم 💉 .. وعارف إن حضرتك تعر...

  للأسف ارتفاع ضغط الدم عند الأغلبية العظمى من الناس بيكون بدون أعراض ..  لذلك ليه اسم دارج عندنا بنقوله .. اسمه القاتل الصامت  🛑𝐓𝐡𝐞 𝐬𝐢𝐥𝐞𝐧𝐭 𝐤𝐢𝐥𝐥𝐞𝐫🛑    ودا لأن أول ظهور ليه احيانا بيبقى فى صورة  جلطة فى المخ ⛔ أو نزيف فى المخ ⛔ أو جلطة فى القلب ⛔ أو ضعف فى عضلة القلب ⛔ أو إرتشاح رئوى حاد ⛔ أو فشل كلوى ⛔ أو تلف فى شبكية العين ⛔ طيب .. نعمل ايه ؟  حضرتك سنك ١٨ سنة أو يزيد ؟  مطلوب من حضرتك تقيس ضغطك  ضغطك أقل من ١٢٠/٨٠ ؟ دا بنسميه ال optimal BP - او الضغط المثالى .. مطلوب تقيس ضغطك بعد ٥ سنين. طيب ١٢٠-١٢٩ على ٨٠-٨٤ ؟ دا normal BP او الضغط الطبيعى - مطلوب من حضرتك تتابع ضغطك بعد ٣ سنين.  طيب ١٣٠-١٣٩ على ٨٥-٨٩ ؟ دا بنسميه high normal BP - ومطلوب من حضرتك تتابع ضغطك مرة واحدة كل سنة.  طيب قست ضغطى لقيته عالى ؟  أولاً .. حضرتك محتاج تتقيم من قبل طبيب مختص .. دا ارتفاع مستمر وللا ارتفاع لحظى نتيجة stress او منبهات زى الشاى والقهوة .. ودا بيتم بقياسات مختلقة فى أوقات مختلفة - او بجهاز قياس ضغط محمول. ثانياً .. لقينا...

  📢 "تيجى لنا ١٠٠ مرة نطمنك ونقول لك حضرتك سليم مفيش حاجة تقلق ..  أحسن ما مرة ماتجيش ولا قدر الله يبقى فيه مشكلة كبيرة فى القلب وتتأخر عنها"  أوقات بتحس بألم فى صدرك .. طيب إيه السبب ؟  ألم الصدر ليه أسباب كتير .. خلينا نتناول أغلبهم واحدة واحدة بإيجاز ؛  ١. إلتهاب أو تقلص عضلات الصدر .. بالذات مع المجهود البدنى الزائد عن المعتاد. ٢. إلتهاب الغشاء البلورى ودا غشاء موجود حول الرئة 🫁 .. ودا وارد جدا مع المدخنين .. وعند التعرض لالتهاب شعبى او دور برد أياً كان سببه.  ٣. إلتهاب الغشاء التامورى ودا غشاء موجود حول القلب 🫀 .. ودا ليه أسباب كتير منها مثلا أدوار البرد زى الانفلونزا والكورونا وقصور وظائف الكلى. ٤. ألام عظام الصدر ٥. قرحة المعدة وإرتجاع المرىء. ودى كلها اسباب -على أهميتها- إلا أنها تحتاج فقط علاج دوائى وراحة ..   لا تحتاج حجز بالمستشفى أو تدخل جراحى.   👈👈👈 إنما اللى جاى دا .. هوا المشكلة الحقيقة اللى ممكن لا قدر الله تأثّر على حياتك .. زى إيه ؟  ٦. الذبحة الصدرية غير المستقرة أو جلطة القلب ⛔ ٧.ضعف عضلة القلب ⛔ ٨. ضيق الص...